మల్లయోధులతో 'హరహర వీరమల్లు' భీకర యుద్ధం.. వీడియో లీక్

దిశ, వెబ్‌డెస్క్: ‘వకీల్ సాబ్’ చిత్రం తర్వాత పవర్ స్టార్ పవన్ కళ్యాణ్ నటిస్తున్న చిత్రాల్లో ‘హరిహర వీరమల్లు’ ఒకటి. పవన్ కెరియర్లోనే అత్యధిక బడ్జెట్ తో తెరకెక్కుతున్న ఈ చారిత్రాత్మక చిత్రానికి క్రిష్ దర్శకత్వం వహిస్తున్నాడు. ఇప్పటికే సగం షూటింగ్ పూర్తిచేసుకున్న ఈ చిత్రం లాక్ డౌన్ తర్వాత ఇటీవలే సెట్ లో అడుగుపెట్టింది. ఈ రోజుల్లో ఎంత జాగ్రత్తగా ఉన్నా కూడా స్టార్ హీరోలకు సంబంధించిన సినిమాల వీడియోలు, షూటింగ్ ఫోటోలు ముందుగానే లీక్ అవుతున్నాయి. ఇప్పటికే ఈ సినిమాకు సంబంధించిన పవన్ లుక్స్ లీకై వైరల్ గా మారిన విషయం తెలిసిందే. తాజాగా ఓ యాక్షన్ సన్నివేశంకు సంబంధించిన ఒక వీడియో లీకవ్వడం చిత్ర బృందంతో పాటు అభిమానులకు కూడా షాక్ కి గురిచేస్తోంది.

https://twitter.com/i/status/1409040005855469576

హైదరాబాద్ పరిసర ప్రాంతాల్లోనే ఈ చిత్రం కోసం భారీ సెట్ నిర్మించిన సంగతి తెలిసిందే.. ఆ సెట్ లోనే మల్లయోధులతో పవన్ పోరాటం జరుపనున్నట్లు తెలుస్తుంది. డైరెక్టర్ కెమెరా రోలింగ్ యాక్షన్ చెప్పడం.. అనంతరం సీన్ కట్ చెప్పడం మనం క్లియర్ గా వినవచ్చు. పవన్ వీరమల్లు గెటప్ లోనే కనిపించాడు. డైరెక్టర్ కట్ చెప్పగానే పవన్ వెళ్లిపోవడం గమనించవచ్చు. ఇక ఈ సన్నివేశం సినిమాలో కీలకమన్నట్లు తెలుస్తోంది. ఈ వీడియో ప్రస్తుతం నెట్టింట వైరల్ గా మారింది. పాన్ ఇండియా చిత్రంగా తెరకెక్కుతున్న ఈ చిత్రంలో పవన్ సరసన నిధి అగర్వాల్, జాక్వలిన్ ఫెర్నాండజ్ నటిస్తున్నారు.