నిద్రపోతే లక్షల్లో శాలరీ..తెలుసా?

దిశ, వెబ్‌డెస్క్: ప్రపంచంలో అతి ఇష్టమైన పని ఏంటంటే, చాలామంది చెప్పే ఆన్సర్ ‘నిద్ర పోవడం’. ఏంటీ నిద్రపోవడం కూడా ఓ పనేనా? అనేవాళ్లు కూడా బోలెడుమంది. అయితే ఇప్పుడు నిజంగా ఆ పడుకోవడమే పనిగా, అంటే ఉద్యోగంగా చేయమని అవకాశం వస్తే? భలే ఉంటుంది కదా. ఇంగ్లాడ్‌కు చెందిన ఓ సంస్థ అలాంటి డ్రీమ్ జాబ్‌ ఆఫర్‌గా ఇస్తుంది.

ఇంగ్లాండ్‌లోని ‘టిల్లే – లవ్ లగ్జరీ’ అనే సంస్థ హ్యపీగా నిద్రపోయే అభ్యర్థులను రారమ్మంటూ ఆహ్వానిస్తోంది. ‘ఫైవ్ స్టార్ బెడ్ టెస్టర్’ ఉద్యోగం కోసం త్వరగా జాబ్ అప్లికేషన్ ఫిల్ చేయమని చెబుతోంది. ఉద్యోగానికి ఎంపికైన అభ్యర్థులు ఆయా దేశాల్లోని అత్యుత్తమ ఫైవ్‌స్టార్ హోటళ్లలో స్టే చేయాల్సి ఉంటుంది. టిల్లే లవ్ లగ్జరీ ఇప్పటికే చాలా హోటల్స్‌తో ఒప్పందం కూడా కుదుర్చుకుంది. దాదాపు మిలియన్ పరుపులను ఇందుకోసం సిద్ధం చేసింది. ఇందులో భాగంగా, ఫైవ్ స్టార్ హోటళ్లలో వచ్చిన గెస్ట్‌లతో బస చేసి, ఫీడ్ బ్యాక్ ఇవ్వాలి. బెడ్ కంఫర్ట్ ఏ విధంగా ఉంది, పడుకోడానికి సౌకర్యవంతంగా ఉందా, లేదా. లోపాలు ఏమైనా ఉన్నాయా? లగ్జరీ సదుపాయాలు కోరుకొనే వినియోగదారులకు నచ్చుతుందా లేదా, క్వాలిటీ ఆఫ్ స్లీప్, రిలాక్సేషన్ ఫ్యాక్టర్ తదితర అంశాలను అతిథులను అడిగి తెలుసుకోవాలి. ఆ వ్యక్తుల రివ్యూను సంస్థకు తెలపాలి.

సంస్థ ఆ ఉద్యోగికి 1000 పౌండ్లు(రూ. 9,825) చెల్లిస్తుంది. ఇవి కాకుండా ట్రావెల్ ఖర్చుల కోసం అదనంగా మరో 500 పౌండ్లు (రూ. 49, 125) చెల్లిస్తుంది. ఇలా నెలలో ఐదు హోటళ్లలో బస చేయాలి. అంటే నెలకు రెండున్నర లక్షల పైనే జీతంగా వస్తోంది. ఈ ఉద్యోగం కోసం అప్లయ్ చేసే అభ్యర్థులు వయసు 16ప్లస్ ఉండాలి. దరఖాస్తులను డిసెంబరు 10 లోగా ఫిలప్ చేయాలి. ఈ ఉద్యోగం యూకే పౌరులకు మాత్రమే.