చౌటుప్పల్లో మరో ఐదు గురికి కరోనా

దిశ, మునుగోడు: యాదాద్రి భువనగిరి జిల్లా చౌటుప్పల్‌లో కరోనా కలకలం సృష్టిస్తోంది. గురువారం తాజాగా మరో నలుగురికి కరోనా సోకింది. స్థానిక కమ్యూనిటీ హెల్త్ సెంటర్లో గురువారం 19 మందికి పరీక్షలు చేశారు. వీరిలో నలుగురికి పాజిటివ్‌గా నిర్ధారణ అయినట్లు వైద్యాధికారి డాక్టర్ శివప్రసాద్ రెడ్డి వెల్లడించారు. ప్రైవేట్ ఆసుపత్రిలో పరీక్ష చేయించుకున్న మరొకరికి పాజిటివ్ వచ్చినట్లు వైద్యాధికారి ధ్రువీకరించారు. దీంతో చౌటుప్పల్లో మొత్తం ఐదు కరోనా పాజిటివ్ కేసులు నమోదైనట్లు వెల్లడించారు. బాధిత వ్యక్తులతో కాంట్రాక్ట్ లో ఉన్న వారిని గుర్తించి హోమ్ క్వారంటైన్ చేసే పనిలో పడ్డారు అధికారులు.