బంజారాహిల్స్‌ పోలీస్‌స్టేషన్‌ పరిధిలో కారు బీభత్సం...

దిశ, ఖైరతాబాద్ : బంజారాహిల్స్‌ పోలీస్‌స్టేషన్‌ పరిధిలో మంగళవారం ఉదయం ఓ కారు బీభత్సం సృష్టించింది. బంజారాహిల్స్ రోడ్ నెంబర్ 1 రోడ్డులో ఈ ప్రమాదం చోటు చేసుకుంది. పంజాగుట్ట నుంచి బంజారాహిల్స్ రోడ్డు వైపు వెళ్తుండగా డివైడర్ మీదకు కారు దూసుకువెళ్లి కరెంట్ ఫోల్ ను ఢీ కొట్టింది. కారు నడుపుతున్న డ్రైవర్ నిద్రమత్తులోకి వెళ్లడంతో ప్రమాదం చోటు చేసుకున్నట్టు తెలుస్తోంది. కారులో డ్రైవర్ తో పాటు మరొక వ్యక్తి కూడా ఉన్నారు. వారికి చిన్నగా గాయాలు కావడంతో ఆసుపత్రికి తరలించారు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.