పొలానికి వెళ్లి తిరిగిరాని అన్నదాత.. ఎక్కడంటే..!
దిశ, ఓదెల : విద్యుత్ షాక్ తగిలి ఓదెల మండలం పోత్కపల్లి గ్రామానికి చెందిన కొత్తరెడ్డి ఆనందరెడ్డి(58) అనే రైతు సోమవారం సాయంత్రం మృతి చెందాడు. కుటుంబ సభ్యుల కథనం ప్రకారం.. మానేరు పక్కన గల తన పంట పొలంలో కరెంట్ మోటార్‌ను బంద్ చేసేందుకు వెళ్ళాడు. ఇంట్లో నుంచి మధ్యాహ్నం వెళ్లిన ఆనందరెడ్డి సాయంత్రం వరకు తిరిగి రాకపోవడంతో పొలం వద్దకు వెళ్లిచూడగా పొలం ఒడ్డుపై రైతు మృతదేహం కనిపించినట్టు తెలిపారు.
మోటార్‌ను బంద్ చేయడానికి వెళ్లే దారిలోనే ట్రాన్స్ఫార్మర్ ఉంది. పొలం ఒడ్డుపై నుంచి నడుస్తుండగా కాలు జారి పడటంతో పక్కనే ఉన్న విద్యుత్ ట్రాన్స్ఫార్మర్‌కు చెయ్యి తగలడంతో ఆనంద్ రెడ్డి అక్కడికక్కడే మృతి చెందినట్లు కుటుంబ సభ్యులు తెలిపారు. మృతునికి భార్య పూలమ్మ, నలుగురు కూతుళ్లు, ఒక కుమారుడు ఉండగా, అందరికీ వివాహం జరిగింది. కాగా, రైతు మృతికి సంబంధించి ఫిర్యాదు అందలేదని ఎస్ఐ శీలం లక్ష్మణ్ తెలిపారు.
