రిపబ్లికే డే రోజున ‘ఎవరాకిల్లర్’ రిలీజ్

దిశ, వెబ్‌డెస్క్: మాజీ మిస్టర్ ఆంధ్ర బల్వాన్, శ్రావణి హీరోహీరోయిన్లుగా నటించిన చిత్రం ‘ఎవరాకిల్లర్’. మజ్ను ఫిలింస్ బ్యానర్‌పై రూపుదిద్దుకున్న ఈ సస్పెన్స్ అండ్ యాక్షన్ థ్రిల్లర్ సినిమాకు షేక్ సంధానిబాషా డైరెక్టర్, ప్రొడ్యూసర్ . ఈ నెల 26న రిపబ్లిక్ డే సందర్భంగా చిత్రాన్ని డిజిటల్ ప్లాట్‌ఫామ్స్.. హంగామా, అమెజాన్ ,MXప్లేయర్, ఎయిర్‌టెల్ X ట్రీమ్ , వోడాఫోన్‌‌లో రిలీజ్ చేయనున్నట్లు బాషా తెలిపారు.

జంట నగరాల్లో జరిగిన జంట హత్యలు ఇన్వెస్టిగేట్ చేసే లేడీ ఇన్‌స్పెక్టర్ పాత్రలో హీరోయిన్, ఆమెకు సహకరించే ప్రైవేట్ డిటెక్టవ్ పాత్ర హీరో పోషించినట్లు డైరెక్టర్ తెలిపారు. వీరిరువురు కలిసి మర్డర్ మిస్టరీని ఎలా ఛేదించారు? ఇంతకీ ఎవరాకిల్లర్ ? ఆ కిల్లర్ని పట్టుకునే క్రమంలో ఎలాంటి పరిణామాలు సంభవించాయనే సస్పెన్స్‌తో అన్నివర్గాల ప్రేక్షకులకు నచ్చేవిధంగా మూవీని తెరకెక్కించినట్లు చెప్పారు. దీనికి స్వీక్వెల్‌గా పార్ట్ 2 కూడా చేస్తున్నామని ఆర్టిస్టులు ,టెక్నీషియన్ల వివరాలు త్వరలోచెబుతామన్నారు. ఈ సినిమాతో తనకు మంచి గుర్తింపు లభిస్తుందని ఆశిస్తున్నట్లు హీరో బల్వాన్ తెలిపారు. ఎన్నో టీవీ సీరియళ్లలో నటిస్తున్న తనను ఈ మూవీతో హీరోయిన్‌గా పరిచయం చేసిన దర్శక నిర్మాతలకు హీరోయిన్ శ్రావణి థాంక్స్ చెప్పారు. ఈ చిత్రానికి రాజేష్ రాజా సంగీతం అందిస్తుండగా, సినిమాటోగ్రఫర్ జి.కె.నాయుడు.