షాకింగ్ కామెంట్స్.. ‘టీఆర్ఎస్ అభ్యర్థుల ఓటమికి డబ్బు పంపిన కేసీఆర్’
దిశ, జమ్మికుంట: కొందరు నాయకులు తనపై తప్పుడు ప్రచారం చేస్తున్నారని.. అలాంటి వారిని చరిత్ర క్షమించదని మాజీ మంత్రి ఈటల రాజేందర్ అన్నారు. మంత్రి హరీష్ రావు ను ఉద్దేశిస్తూ జమ్మికుంటలో ఈటల మాట్లాడుతూ.. హరీష్ రావు ఎంత చేసిన కేసీఆర్ నమ్మరని ఎద్దేవా చేశారు. 18 సంవత్సరాల అనుబంధాన్ని మర్చిపోయి.. కేసీఆర్ వద్ద మార్కులు కొట్టేస్తున్నా.. అవి హుజురాబాద్‌లో మాత్రం చెల్లవని చురకలు వేశారు. ఈటల నియోజకవర్గాన్ని అభివృద్ధి చేయలేదని చెప్పిన హరీష్ రావు అదే రోడ్ల మీద ప్రచారం చేస్తున్నారని చెప్పుకొచ్చారు. దీనికితోడు నియోజకవర్గానికి నిధుల రాకుండా అడ్డు తగిలింది కేటీఆర్ అంటూ ఈటల సంచలన వ్యాఖ్యలు చేశారు.
ఇక సీఎం కేసీఆర్ 2018 సాధారణ ఎన్నికల సమయంలో తనతో పాటు 11 మంది టీఆర్ఎస్ ఎమ్మెల్యేలు ఓడిపోవాలని డబ్బులు పంపారని ఈటల రాజేందర్ మరోసారి సంచలన వ్యాఖ్యల చేశారు. ఆ తర్వాత మూడు సార్లు ప్రగతి భవన్ వెళితే.. మంత్రులను చూడకుండా కనీసం అపాయింట్మెంట్ ఇవ్వకుండా అవమాన పరిచారని ఈటల ఆవేదన వ్యక్తం చేశారు.
