NFL Jobs: నాన్-ఎగ్జిక్యూటివ్ ఉద్యోగాల కోసం నోటిఫికేషన్ విడుదల చేసిన నేషనల్ ఫెర్టిలైజర్స్ లిమిటెడ్

దిశ, వెబ్‌డెస్క్: కేంద్ర ప్రభుత్వ రంగ సంస్థ నేషనల్ ఫెర్టిలైజర్స్ లిమిటెడ్(National Fertilizers Ltd) వివిధ కార్యాలయాల్లో నాన్-ఎగ్జిక్యూటివ్(Non-Executive) పోస్టుల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 336 ఉద్యోగాలను భర్తీ చేయనున్నారు. అర్హత గల అభ్యర్థులు అధికారిక వెబ్‌సైట్ www.nationalfertilizers.com ద్వారా ఆన్‌లైన్‌లో అప్లై చేసుకోవాలి. దరఖాస్తు చేసుకోవడానికి చివరి తేదీ 8 నవంబర్ 2024.

పోస్టుల వివరాలు:

జూనియర్ ఇంజినీరింగ్ అసిస్టెంట్ గ్రేడ్-2 (ప్రొడక్షన్)-108, జూనియర్ ఇంజినీరింగ్ అసిస్టెంట్ గ్రేడ్-2(ఇన్‌స్ట్రుమెంటేషన్)-33, జూనియర్ ఇంజినీరింగ్ అసిస్టెంట్ గ్రేడ్-2 (ఎలక్ట్రికల్)-14 జూనియర్ ఇంజినీరింగ్ అసిస్టెంట్ గ్రేడ్-2 (కెమికల్)-10, స్టోర్ అసిస్టెంట్-19, నర్స్-10, ఫార్మసిస్ట్-10, అకౌంట్స్ అసిస్టెంట్-10, అటెండెంట్ గ్రేడ్ I (మెకానికల్)- ఫిట్టర్-40

విద్యార్హత:

పోస్టును బట్టి డిప్లొమా, బీఎస్సీ, బీకామ్, నర్సింగ్ ఉత్తీర్ణులై ఉండాలి.

వయోపరిమితి:

నాన్-ఎగ్జిక్యూటివ్ పోస్ట్‌లకు దరఖాస్తు చేసుకునే అభ్యర్థుల వయస్సు 9 సెప్టెంబర్ 2024 నాటికి 18 నుంచి 30 ఏళ్ల మధ్య ఉండాలి.

ఎంపిక ప్రక్రియ:

రాత పరీక్ష, సర్టిఫికెట్ వెరిఫికేషన్, మెడికల్ టెస్టుల ఆధారంగా అభ్యర్థులను ఎంపిక చేస్తారు.

దరఖాస్తు ఫీజు:

జనరల్ కేటగిరీ అభ్యర్థులు రూ. 200 ఫీజు చెల్లించాలి. ఎస్సీ/ఎస్టీ కేటగిరీ అభ్యర్థులకు ఫీజు నుండి మినహాయింపు ఉంది.