బోనాల ఉత్సవాల్లో దుబ్బాక ఎమ్మెల్యే రఘునందన్ రావు

దిశ, శేరిలింగంపల్లి : గచ్చిబౌలి డివిజన్ గౌలిదొడ్డి గ్రామంలో గ్రామ దేవతలకు భక్తులు ఘనంగా బోనాలు సమర్పించారు. పలు ఆలయాల్లో జరిగిన వేడుకల్లో దుబ్బాక ఎమ్మెల్యే రఘునందన్ రావు, రాష్ట్ర బీజేపీ నాయకులు రవి కుమార్ యాదవ్, గచ్చిబౌలి డివిజన్ కార్పొరేటర్ వి.గంగాధర్ రెడ్డి పాల్గొని ప్రత్యేక పూజలు నిర్వహించారు. ఈ సందర్భంగా దుబ్బాక ఎమ్మెల్యే రఘునందన్ రావు మాట్లాడుతూ.. ప్రతి ఒక్కరిపై అమ్మ వారి ఆశీస్సులు ఉండాలని, మన సంస్కృతి, సంప్రదాయాలకు బోనాల పండుగ ప్రతీక అని అన్నారు.

అమ్మవారి దీవెనల కోసం బోనమెత్తే ప్రతి ఆడబిడ్డ హిందూ సంస్కృతికి నిజమైన వారసురాలని, అమ్మవారి దీవెనలతో ప్రజలంతా సుఖశాంతులతో జీవించాలని ఆకాంక్షించారు. ఈ కార్యక్రమంలో సీనియర్ నాయకులు గజ్జల యోగానంద్, జిల్లా కార్యదర్శి మూల అనిల్ గౌడ్, రంగారెడ్డి జిల్లా గిరిజన మోర్చా అధ్యక్షుడు హనుమంతు నాయక్, బీజేపీ అనుబంధ సంఘాల నాయకులు, కార్యకర్తలు, మహిళలు పెద్ద ఎత్తున పాల్గొన్నారు.