జ్యేష్ఠ మాసంలో వచ్చే మంగళవారాలని బుద్వా మంగళ్ అని ఎందుకు పిలుస్తారో తెలుసా..

దిశ, ఫీచర్స్ : హిందూ క్యాలెండర్‌లోని జ్యేష్ఠ మాసంలో వచ్చే అన్ని మంగళవారాలను బడా మంగళ్ అంటారు. ఈ సంవత్సరం జ్యేష్ఠ మాసంలోని మొదటి బడా మంగళవారం 28 మే 2024 న వస్తుంది. ఈ రోజున హనుమంతుడిని ఆరాధించడం ద్వారా, జీవితంలోని అన్ని కష్టాల నుండి ఉపశమనం పొందుతారని భక్తులు నమ్ముతున్నారు. భక్తుని అన్ని రకాల భయాలు, కష్టాలు తొలగిపోతాయని నమ్ముతారు. అలాగే ఈ రోజున హనుమంతున్ని పూజించడం వల్ల స్వామివారి ప్రత్యేక ఆశీర్వాదాలు లభిస్తాయి. బడా మంగళ్ లేదా బుద్వా మంగళ్ ఎందుకు చాలా ప్రత్యేకంగా పరిగిస్తారో ఇప్పుడు తెలుసుకుందాం.

పురాణాల ప్రకారం జ్యేష్ఠ మాసంలో మంగళవారం నాడు హనుమంతుని పూజించే సంప్రదాయం ఉంది. అందుకే ఈ మాసంలో వచ్చే మంగళవారాన్ని బడా మంగళ్ లేదా బుద్వా మంగళ్ అని పిలుస్తారు. బడా మంగళ్ రోజున హనుమంతుడిని పూజించడంతో పాటు, శ్రీరాముడిని పూజించడం కూడా చాలా ముఖ్యంగా భావిస్తారు.

బడా మంగళ్ సంప్రదాయం ఎలా మొదలైంది..

పురాణాల ప్రకారం శ్రీరాముడు, హనుమంతుని మొదటి సమావేశం జ్యేష్ఠ మాసం మంగళవారం నాడు జరిగింది. అందుకే జ్యేష్ఠ మాసంలో వచ్చే అన్ని మంగళవారాలను బడా మంగళ్ అంటారు. ప్రతి మంగళవారం హనుమంతుడిని పూజిస్తారు. కానీ ఈ ప్రత్యేకమైన రోజున ఆయనను ఆరాధించే ప్రాముఖ్యత భిన్నంగా ఉంటుంది.

బడా మంగళ్ పండుగను జరుపుకునే సంప్రదాయం..

ఉత్తరప్రదేశ్ రాజధాని లక్నోలో బడా మంగళ్ పండుగను జరుపుకునే సంప్రదాయం ఉత్సాహంగా ఉంటుంది. ఎందుకంటే బడా మంగళ్‌ను పండుగగా జరుపుకోవడం ఇక్కడ నుండి ప్రారంభమైందని చెబుతారు. దీనికి సంబంధించి ఒక కథనం కూడా ఉంది. దాని ప్రకారం బడా మంగళ్ జరుపుకోవడం ఉత్తరప్రదేశ్‌లోని లక్నో జిల్లా అలీగంజ్‌లో ఉన్న పురాతన హనుమాన్ ఆలయానికి సంబంధించినది.

400 ఏళ్ల క్రితం అవధ్‌కు చెందిన నవాబ్ మహ్మద్ అలీ షా కుమారుడి ఆరోగ్యం బాగా క్షీణించిందట. ఎంత వైద్యం చేయించినా ఆయన ఆరోగ్యంలో ఎలాంటి మెరుగుదల లేదు. జ్యేష్ఠ మాసం మంగళవారం నాడు అలీగంజ్‌లోని పురాతన హనుమాన్ ఆలయంలో ప్రార్థన చేయమని కొందరు వ్యక్తులు నవాబ్ మొహమ్మద్ వాజిద్ అలీ షా బేగంకు సలహా ఇచ్చారట. బేగం అతని సలహాను అనుసరించి హనుమాన్ కి పూజలు చేసింది. హనుమంతుని దయతో ఆమె కొడుకు ఆరోగ్యం పూర్తిగా కోలుకున్నాడు.

అప్పుడు మహమ్మద్ అలీ షా సంతోషించి ఆ హనుమాన్ ఆలయాన్ని బాగు చేయించాడు. జ్యేష్ఠ మాసంలో ఆలయ మరమ్మతు పనులు పూర్తయ్యాయి. దీని తరువాత నవాబు హనుమంతునికి బెల్లం, కొత్తిమీర సమర్పించి, ఆ ప్రసాదాన్ని ప్రజలకు పంచాడు. అప్పటి నుండి ప్రతి సంవత్సరం బడా మంగళ్ పండుగను జరుపుకోవడం ప్రారంభమైంది. ఈ ప్రత్యేక సందర్భంలో చాలా మంది భక్తులు పురాతన హనుమాన్ ఆలయానికి పూజలు చేయడానికి, బజరంగబలిని దర్శనం చేసుకోవడానికి వస్తారు.

బడా మంగళ్ ప్రాముఖ్యత..

బడా మంగళ్ రోజున హనుమంతుడిని పూజించడం ద్వారా భక్తులు తెలివి, జ్ఞానం, బలం, స్వామివారి అనుగ్రహాన్ని పొందుతారు. ఈ రోజున హనుమంతుని పూజతో పాటు శ్రీరాముని పూజిస్తారు. ఈ రోజున హనుమాన్ చాలీసా పఠించడం వల్ల అన్ని రకాల భయాల నుండి ఉపశమనం లభిస్తుందని, ఆనందం, శ్రేయస్సు లభిస్తుందని నమ్ముతారు. ఆధ్యాత్మిక పురోగతిని కోరుకునే వారు కూడా బడ మంగళ్ రోజున హనుమంతుడిని పూజించడం ద్వారా ప్రయోజనం పొందుతారు.