విష్ణుమూర్తిని ప్రసన్నం చేసుకోవాలనుకుంటున్నారా.. నరసింహ ద్వాదశి రోజు ఇలా చేయండి..

దిశ, ఫీచర్స్ : నరసింహ ద్వాదశి రోజున విష్ణుమూర్తి నరసింహావతారాన్ని పూజిస్తారు. పౌరాణిక విశ్వాసాలు, పురాణాల ప్రకారం నరసింహ ద్వాదశి రోజున విష్ణుమూర్తి నరసింహ రూపంలో అవతరించారు. ఇదేరోజున భక్తుడైన ప్రహ్లాదుని రక్షించడానికి హిరణ్యకశ్యపుని చంపాడు. శ్రీమహావిష్ణువు ఈ అవతారం ఎత్తిన రోజు ఫాల్గుణ మాసంలోని శుక్ల పక్ష ద్వాదశి తిథి. అప్పటి నుండి ఈ రోజును నరసింహ స్వామి జయంతిగా జరుపుకుంటారు. ఈ నరసింహ ద్వాదశి రోజును వేదాలు, పురాణాలలో కూడా ప్రస్తావించారు. ఈ రోజున విష్ణువు తన పన్నెండు అవతారాలలో ఒకటైన నరసింహునిగా అవతరించినట్లు చెప్పారు. అప్పటి నుంచి ఈ పండుగకు నాందిగా భావిస్తారు.

పంచాంగం ప్రకారం ఈ సంవత్సరం ఫాల్గుణ మాసంలోని శుక్ల పక్ష ద్వాదశి తిథి మార్చి 21 తెల్లవారుజామున 2.22 గంటలకు ప్రారంభమై మరుసటి రోజు మార్చి 22 తెల్లవారుజామున 4.44 గంటలకు ముగుస్తుంది. ఈసారి నరసింహ ద్వాదశిని మార్చి 21న జరుపుకోనున్నారు.

నరసింహ ద్వాదశి విశిష్టత..

మత విశ్వాసాల ప్రకారం విష్ణువు పన్నెండు అవతారాలలో ఒకటైన ఉగ్రనరసింహ అవతారం భక్త ప్రహ్లాదుని రక్షించడానికి ఒక స్తంభాన్ని చీల్చుకుంటూ ఉద్భవించింది. ఈ అవతారంలో, సగం శరీరం మానవుడిది, సగం సింహంగా ఉంటుంది. నరసింహ ద్వాదశి నాడు ఉపవాసం ఉండడం వల్ల మనిషికి ప్రాపంచిక సుఖం, మోక్షం లభిస్తాయి. ఎవరైతే ఈ రోజున స్వచ్చమైన హృదయంతో నరసింహుని పూజిస్తారో వారి జీవితంలోని దుఃఖాలన్నీ తొలగిపోతాయి.

నరసింహ ద్వాదశి ఆరాధన..

శ్రీమహావిష్ణువు నరసింహావతారాన్ని పూజించాలంటే తెల్లవారుజామున నిద్రలేచి స్నానం చేసి శుభ్రమైన దుస్తులు ధరించాలి. విష్ణువుకు పసుపు రంగు అంటే చాలా ఇష్టం. అందుకే ఈ రోజు పసుపు రంగు దుస్తులు ధరించడం శుభప్రదంగా భావిస్తారు. తర్వాత తూర్పు లేదా ఉత్తరం వైపు కూర్చుని పూజ ప్రారంభించండి. దీని తరువాత, విష్ణువుకి ధూపం, దీపం, పువ్వులు, కర్పూరం, రోలి, ఎర్రచందనం, మోదకం మొదలైన వాటిని సమర్పించండి. ఆ తర్వాత విష్ణువుకు ఆరతి చేయండి.