కాముని చెరువులో డెడ్‌బాడీ లభ్యం

దిశ, రంగారెడ్డి: రంగారెడ్డి జిల్లాలోని శంషాబాద్ జాతీయ రహదారి పక్కనే ఉన్న కాముని చెరువులో గుర్తు తెలియని మృతదేహం లభ్యమైయింది. బుధవారం ఆ రోడ్డు వెంట వెళ్తున్న బాటసారులు చెరువులో తెలియాడుతున్న శవాన్ని గుర్తించి పోలీసులకు సమాచారం అందించారు. వెంటనే స్పందించిన ఎయిర్పోర్ట్ పోలీసులు కాముని చెరువు వద్దకు చెరుకొని మృతదేహాన్ని బయటికి తీశారు. అనంతరం పోస్టుమార్టం నిమిత్తం ఉస్మానియా ఆస్పత్రికి తరలించారు. పోలీసుల వివరాల ప్రకారం.. మృతుడి ఒంటిపై బ్లూ కలర్ వాకింగ్ షూట్ మాత్రమే ఉందని, అతని వద్ద ఎలాంటి ఆధారాలు లేవవి తెలిపారు. మృతుడి వయస్సు సుమారు 45 సంవత్సరాలు ఉంటుందని పోలీసులు వివరించారు. అనంతరం కేసు నమోదు చేసుకొని దర్యాప్తు చేస్తున్నట్టు పోలీసులు తెలిపారు.