డీసీపీ సన్‌ప్రీత్ సింగ్ కార్డన్ సెర్చ్.. ఆరుగురు రౌడీషీటర్లు అరెస్ట్
దిశ, జల్‌పల్లి: హైదరాబాద్‌ బాలాపూర్ పోలీస్ స్టేషన్ పరధిలోని షాహిన్ నగర్, పిర్కిమండి ప్రాంతంలో శనివారం ఎల్బీనగర్ డీసీపీ సన్‌ప్రీత్ సింగ్ కార్డన్ సెర్చ్‌లో భాగంగా తనిఖీలు నిర్వహించారు. ఈ సందర్భంగా రాచకొండ కమిషనరేట్ పరిధిలోని ఏఆర్, ట్రాఫిక్, వజ్రా బృందాలతో పాటు 346 మంది పోలీసుల బృందం రక్షక్వాహనాల సైరన్ మోతలు, పోలీసుల బూట్ల చప్పుళ్లతో పీర్కా మండి ప్రాంతంలో అలజడి సృష్టించారు. మధ్యాహ్నం 3 గంటల నుంచి సాయంత్రం 6 గంటల వరకు నిర్వహించిన ఈ తనిఖీల్లో పోలీసులు ఎలాంటి పత్రాలు పలు బైకులు, అనుమానితులను, ఆరుగురు రౌడీ షీటర్లను అదుపులోకి తీసుకున్నారు. ఒక ప్యాసింజర్ ఆటో, నిషేధించబడిన 800 గుట్కా ప్యాకెట్లను స్వాధీనం చేసుకున్నారు. ఈ తనిఖీల్లో వనస్థలిపురం ఏసీపీ పురుషోత్తం రెడ్డి, ఇబ్రహీంపట్నం, ఎల్బీ నగర్ ఏసీపీలతో పాటు బాలాపూర్ ఇన్‌స్పెక్టర్ భాస్కర్‌, రాచకొండ కమిషనరేట్ పరిధిలోని ఏఆర్, ట్రాఫిక్, వజ్రా బృందాలతో పాటు 346 మంది పోలీసుల బృందం పాల్గొ్న్నారు.
