గంజాయి తరలిస్తూ పట్టుబడ్డ యువకులు..

దిశ, కోరుట్ల : గంజాయి తరలిస్తూ పట్టుబడ్డ ఘటన జగిత్యాల జిల్లా ఇబ్రహీంపట్నం పోలీస్ స్టేషన్ పరిధిలో చోటుచేసుకుంది. మెట్ పల్లి సిఐ నిరంజన్ రెడ్డి తెలిపిన వివరాల ప్రకారం...మెట్ ల్లి పట్టణానికి చెందిన లోకిని వంశీ, కోయల్ కార్ రమేష్, లోకిని విగ్నేష్ లు ఒకే ద్విచక్ర వాహనం పై ఆర్మూర్ నుండి మెట్ పల్లి జాతీయ రహదారి వెంట వస్తుండగా బండలింగాపూర్ క్రాసింగ్ వద్ద ఇబ్రహీంపట్నం ఎస్సై అనిల్ కుమార్ వాహనాలు తనిఖీలు చేస్తుండగా పట్టుకున్నట్లు తెలిపారు. వారిని అదుపులోకి తీసుకొని విచారించగా నిజామాబాద్ కు చెందిన అజార్ అనే వ్యక్తి దగ్గర గంజాయి కొనే వారని తెలిపారు. వారి వద్ద నుండి 220 గ్రాముల గంజాయి, మూడు సెల్ ఫోన్లు, ఒక ద్విచక్ర వాహనాన్ని స్వాధీనం పరుచుకుని ముగ్గురిపై కేసు నమోదు చేసి రిమాండ్ కు తరలించినట్లు సీఐ నిరంజన్ రెడ్డి తెలిపారు.