ఆర్థిక ఇబ్బందులతో యువకుడు ఆత్మహత్య

దిశ,మల్యాల : ఆర్థిక ఇబ్బందులతో జీవితంపై విరక్తి చెంది యువకుడు ఉరివేసుకొని మృతి చెందిన ఘటన మల్యాల మండలం నూకపల్లి గ్రామంలో చోటుచేసుకుంది. స్థానికులు తెలిపిన వివరాలు ఇలా ఉన్నాయి. నూకపల్లి గ్రామానికి చెందిన సైదులు అలియాస్ నరేష్ ఎలాంటి ఉపాధి లేక తీవ్ర ఆర్థిక ఇబ్బందులతో బాధపడుతున్నాడు. దాంతో జీవితంపై విరక్తి చెంది ఇంట్లో ఎవరూ లేని సమయంలో సీలింగ్ ఫ్యాన్ కు ఉరివేసుకొని ఆత్మహత్య చేసుకున్నాడు. మృతుడి తండ్రి సైదులు ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు మల్యాల ఎస్ఐ నరేష్ తెలిపారు.