ఎగ్జామ్ హాల్‌లో ఇన్విజిలేటర్‌ను కత్తితో పొడిచిన విద్యార్థి..
దిశ, వెబ్‌డెస్క్: ఈ మధ్య కాలంలో చిన్నా పెద్ద అనే తేడా లేకుండా చిన్న చిన్న విషయాలకే కోపం ఊగిపోతున్నారు. క్షణికావేశంలో దారుణంగా ప్రవర్తిస్తున్నారు. తాజాగా, దేశ రాజధాని ఢిల్లీలో ఇంటర్ విద్యార్థి ఉపాధ్యాయుడిని కత్తితో పొడిచాడు.
వివరాల్లోకి వెళ్లితే.. ఢిల్లీలోని ఇంద్రపురి ప్రాంతంలో ఉన్న గవర్నమెంట్ స్కూల్లో ఇంటర్ సెకండ్ ఇయర్ చదువుతున్న విద్యార్థులకు ప్రాక్టికల్స్ జరుగుతున్నాయి. దీనికి భూదేవ్ అనే వ్యక్తి ఇన్విజిలేటర్‌గా వచ్చాడు. అయితే పరీక్షా సమయంలో అతడికి ఓ విద్యార్థికి మధ్య గొడవ జరిగింది. దీంతో కోపోద్రిక్తుడైన విద్యార్థి భూదేవ్ను కత్తితో పొడిచి అక్కడి నుండి పారిపోయాడు. అది చూసిన మిగతా విద్యార్థులు ఉపాధ్యాయులకు సమాచారం అందించారు. వారు భూదేవ్ను ఆస్పత్రికి తరలించి చికిత్స అందిస్తున్నారు. ఈ సంఘటన గురించి తెలుసుకున్న పోలీసులు కేసు నమోదు చేసుకుని నిందితుడిని అదుపులోకి తీసుకుని దర్యాప్తు చేపట్టారు.
