Road Accident: రాష్ట్రంలో ఘోర రోడ్డు ప్రమాదం.. ఇద్దరు మహిళలు దుర్మరణం, ఒకరి పరిస్థితి విషమం

దిశ, వెబ్‌డెస్క్: రోడ్డు ప్రమాదం (Road Accident)లో ఇద్దరు మహిళలు అక్కడికక్కడే ప్రాణాలు కోల్పోయిన హృదయ విదారక ఘటన పెద్దపల్లి జిల్లా (Peddapally District) రంగంపల్లి (Rangampally) రాజీవ్ రహదారిపై మంగళవారం తెల్లవారుజామున చోటుచేసుకుంది. వివరాల్లోకి వెళితే.. రంగంపల్లి గ్రామం వద్ద ఓ కారు బీభత్సం సృష్టించింది. అతివేగంతో అదుపుతప్పి ఒక్కసారిగా పాదచారులపైకి దూసుకెళ్లింది. ఈ దుర్ఘటనలో ఇద్దరు మహిళలు స్పాట్‌లోనే ప్రాణాలు కోల్పోయారు.

తీవ్రంగా గాయపడిన మరో మహిళ పరిస్థితి అత్యంత విషమంగా ఉన్నట్లుగా తెలుస్తోంది. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. గాయపడిన మహిళలను చికిత్స నిమిత్తం సమీప ఆసుపత్రికి తరలించారు. మృతుల కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తును ప్రారంభించారు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.