అనుచిత పోస్టుపై పోలీసులకు ఫిర్యాదు

దిశ, తంగళ్లపల్లి : సిరిసిల్ల టౌన్ బీజేపీ అధ్యక్షులు నాగుల శ్రీనివాస్ మహమ్మద్ ప్రవక్తపై అనుచిత వ్యాఖ్యలు చేస్తూ సోషల్ మీడియాలో చేసిన పోస్టుపై తంగళ్లపల్లి మండలం ముస్లిం మైనార్టీ అధ్యక్షులు మొహమ్మద్ హమీద్ ఆధ్వర్యంలో శుక్రవారం తంగళ్లపల్లి ఎస్సై రామ్మోహన్ కు ఫిర్యాదు చేశారు. ఈ మేరకు తంగళ్లపల్లి మండల కేంద్రంలోని పోలీస్ స్టేషన్ కు చేరుకొని మహమ్మద్ ప్రవక్తపై అనుచిత వ్యాఖ్యలు చేసిన బీజేపీ అధ్యక్షుడిపై చర్యలు తీసుకోవాలని కోరారు. ఈ కార్యక్రమంలో మదీనా మజీద్ కమిటీ అధ్యక్షులు ఎండీ. కాశీం, ఎండీ.హైదర్, ఎండీ. గౌసుద్దీన్, మౌలానా షేక్, అక్రం రాజా, ఎండీ. ఖాలిద్ ఎండీ. ఇమామ్, ఎండీ. సలీం, ఎండీ. జానీ, ఎండీ.రఫిక్, ఎండీ.సలీం అన్ని గ్రామాల అధ్యక్షులు పాల్గొన్నారు.