అనుమానస్పద స్థితిలో నటుడు మృతి.. మూడు రోజులకు శవం లభ్యం

దిశ, వెబ్‌డెస్క్: సినీ ఇండస్ట్రీలో మరో విషాదం జరిగింది. ప్రముఖ నటుడు చనిపోయిన మూడు రోజుల తర్వాత ఆయన శవం బయటపడింది. దీనికి సంబంధించిన వివరాల్లోకి వెళితే.. సౌత్ హిందుస్తానీ సినిమాతో అరంగేట్రం చేసిన మరాఠీ నటుడు రవీంద్ర మహాజనీ (77) పూణేలోని తన ఫ్లాట్‌లో ఉంటున్నాడు. అతడు ఉండే ఇంట్లో నుంచి దుర్వాసన రావడంతో పక్కింటి వారు పోలీసులకు సమాచారం అందించారు.

తలుపులు పగలగొట్టి చూడగా.. నటుడు రవీంద్ర మహాజనీ చనిపోయి కనిపించాడు. అయితే అతను మూడు రోజుల క్రితమే చనిపోయినట్లు పోలీసులు అనుమానిస్తున్నారు. మృతదేహం పడి ఉన్న తీరును చూసిన పోలీసులు పలు అనుమానాలు వ్యక్తం చేస్తున్నారు. అతనిది హత్యా ? ఆత్మహత్యా ? అనే కోణంలో దర్యాప్తు చేపట్టిన పోలీసులు అనుమానస్పద మృతిగా కేసు నమోదు చేశారు. రవీంద్ర మహాజనీ మృతిపై పూర్తి వివరాలు తెలియాల్సి ఉంది.