గుర్తుతెలియని వ్యక్తి మృతదేహం లభ్యం..
దిశ, చౌటుప్పల్ : గుర్తు తెలియని వ్యక్తి మృతదేహం శనివారం చౌటుప్పల్ పోలీసులకు లభ్యమైంది. పోలీసుల తెలిపిన వివరాలు ప్రకారం యాదాద్రి భువనగిరి జిల్లా చౌటుప్పల్ మండలం తూప్రాన్ పేట్ గ్రామంలోని మజీద్ వద్ద ఓ వ్యక్తి మృతి చెంది ఉండడంతో స్థానికులు పోలీసులకు సమాచారం అందించారు. విషయం తెలుసుకున్న పోలీసులు సంఘటన స్థలానికి చేరుకోగా మృతి చెందిన వ్యక్తి వివరాలు తెలియాల్సి ఉందని అతని మృతదేహాన్ని బట్టి చూస్తే 40 నుండి 50 సంవత్సరాల మధ్య వయసు ఉండవచ్చని పోలీసులు అంచనా వేస్తున్నారు.
అంతేకాకుండా చెత్త ఏరుకుంటూ జీవనం సాగించే వ్యక్తిగా తాము అనుమానిస్తున్నామన్నారు. చెత్త ఏరుకునే క్రమంలో ఫిట్స్ కు లేదా ఏదైనా అనారోగ్యానికి గురై మృతి చెంది ఉంటాడని అనుమానిస్తున్నట్లు చౌటుప్పల్ సీఐ మల్లికార్జున్ రెడ్డి తెలిపారు. జరిగిన సంఘటనపై కేసునమోదు చేసుకుని దర్యాప్తు చేస్తున్నట్లు సీఐ తెలిపారు.
