ద్విచక్ర వాహనం అదుపుతప్పి బైక్ మెకానిక్ మృతి..

దిశ, కూసుమంచి : ద్విచక్ర వాహనం అదుపుతప్పి ఓ వ్యక్తి అక్కడికక్కడే మృతి చెందిన ఘటన కూసుమంచి మండలంలో బుధవారం చోటుచేసుకుంది. వివరాల్లోకెళితే మండలంలోని పెరిక సింగారం గ్రామానికి చెందిన షేక్ పాషా (35) చేగొమ్మలో స్నేహితుడిని డ్రాప్ చేసి వస్తుండగా చేగొమ్మ శివారు మూలమలుపు వద్ద ప్రమాదవశాత్తు ద్విచక్ర వాహనం అదుపుతప్పి పొలాల్లోకి దూసుకెళ్ళి కింద పడింది.

దీంతో పాషా తలకు బలమైన గాయం కావడంతో అక్కడికక్కడే మృతి చెందాడు. పాషా కూసుమంచి మండల కేంద్రంలో బైక్ మెకానిక్ గా షాప్ నడుపుతూ జీవనం సాగించేవాడు. నూతన సంవత్సరం రోజే తమ కొడుకు రోడ్డు ప్రమాదంలో మృతి చెందాడనే వార్త తెలియగానే పాషా కుటుంబ సభ్యుల రోదనలతో గ్రామంలో విషాదఛాయలు అలుముకున్నాయి. మృతునికి భార్య ఇద్దరు పిల్లలు ఉన్నారు. ఈ ప్రమాదానికి సంబంధిం,ి పూర్తి వివరాలు తెలియాల్సివుంది.