ఆరిజిన్ డెయిరీ సీఈఓ ఆదినారాయణ పై దాడి..

దిశ, బెల్లంపల్లి : మంచిర్యాల జిల్లా బెల్లంపల్లి వన్ టౌన్ పోలీస్ స్టేషన్ పరిధిలో ఆరిజిన్ డెయిరీ సీఈవో కందిమల్ల ఆదినారాయణ పై దాడి కలకలం రేపింది. సంఘటన వివరాలు ఇలా ఉన్నాయి. పట్టణంలోని రామటాకీస్ వీధిలో ఓ బార్బర్ షాప్ వద్ద ఆదివారం రాత్రి ఆదినారాయణ మరో వ్యక్తితో కలిసి ఉన్నాడు. ఇదే సమయంలో గుర్తు తెలియని వ్యక్తులు వచ్చి ఆయన పై దాడి చేశారు. ఈ సంఘటనలో ఆదినారాయణకు స్వల్ప గాయాలయ్యాయి. ఆదినారాయణ వెంట ఉన్న వ్యక్తి హుటాహుటిన బెల్లంపల్లి ప్రభుత్వ ఆసుపత్రికి తరలించారు. గాయపడిన ఆదినారాయణకు ఆస్పత్రిలో వైద్య సేవలు అందిస్తున్నారు. దాడికి గల కారణాలు తెలియాల్సి ఉంది.