ఢిల్లీలో దారుణం.. నడిరోడ్డుపై యువతి హత్య

దిశ,వెబ్‌డెస్క్: దేశ రాజధాని ఢిల్లీపై మరో నెత్తుటి మరక పడింది. నడిరోడ్డుపై యువతిని హత్య చేశాడు ఓ మృగాడు. 16 ఏళ్ల అమ్మాయిపై కత్తిపోట్లు పొడిచి అందరూ చూస్తుండగానే దారుణంగా హత్య చేశాడు. కత్తితో పొడుస్తుండగా అందరూ చూసిన వీడియో వైరల్ అయింది. జనం అందరూ చూస్తూ నిలబడి పోయారే కాని ఎవ్వరూ ఆపే ప్రయత్నం చేయలేదు.

కత్తితో దాడిచేసిన వ్యక్తిని సాహిల్‌గా గుర్తించారు. బాధితురాలు కేకలు వేసినా చుట్టు పక్కల జనం ఎవరూ పట్టించుకోలేదు. కత్తిపోట్లకు తాళలేక ఆ యువతి అక్కడికక్కడే మృతి చెందింది. సాహిల్ ఆ యువతిపై మెరుపు వేగంతో తాడి చేసినట్లు తెలుస్తోంది. పరారీలో ఉన్న కిల్లర్ సాహిల్‌ను యూపీలో పోలీసులు అరెస్టు చేశారు.