నేడు నిజామాబాద్ ఓట్ల లెక్కింపు

దిశ, వెబ్‌డెస్క్: నిజామాబాద్ స్థానిక సంస్థల ఎమ్మెల్సీ ఉప ఎన్నిక కౌంటింగ్ సోమవారం ఉదయం 8 గంటలకు ప్రారంభం కానుంది. మొత్తం ఓటర్లు 824మంది ఉండగా, 823 మంది ఓటును వినియోగించుకున్నారు. అందులో రెండు పోస్టల్ బ్యాలెట్ ఓట్లు నమోదు అయ్యాయి. ఉదయం 11 గంటల వరకు ఫలితం వెలువడనున్నట్టు సమాచారం. కోవిడ్ నిబంధనలు అనుగుణంగా ఓట్ల లెక్కింపునకు ఏర్పాట్లు పూర్తయ్యాయి. కాగా ఈ ఎన్నికల బరిలో టీఆర్ఎస్ నుంచి కవిత, బీజేపీ నుంచి పోతాంకర్ లక్ష్మీనారాయణ, కాంగ్రెస్ నుంచి సుభాష్ రెడ్డి ఉన్నారు.