బ్రేకింగ్ న్యూస్.. మంత్రి గంగులకు కరోనా పాజిటివ్

దిశ ప్రతినిది, కరీంనగర్: హుజూరాబాద్ ఉప ఎన్నికల ప్రచారంలో బిజీ బిజీగా తిరుగుతున్న రాష్ట్ర మంత్రి గంగుల కమలాకర్ కరోనా బారిన పడ్డారు. గత రెండు రోజులుగా జలుబు, జ్వరంతో బాధ పడుతున్న మంత్రి పరీక్షలు చేయించుకోగా కరోనా పాజిటివ్ అని తేలింది. ప్రస్తుతం ఆయన ఆరోగ్యం నిలకడగానే ఉందని మంత్రి కార్యాలయ వర్గాలు తెలిపాయి. అయితే గంగులను వ్యక్తిగతంగా కలిసిన వారంతా హోం క్వారంటైన్ లో ఉండాలని ఆయన సూచించారు.