పదో తరగతి విద్యార్థికి కరోనా పాజిటివ్

దిశ, వెబ్‌డెస్క్: ఏపీలో కరోనా మహమ్మారి విస్తృతంగా వ్యాప్తిచెందుతోంది. పాజిటివ్ కేసులు రోజురోజుకూ విపరీతంగా పెరుగుతూ.. విలయతాండవం చేస్తోంది. ఈ నేపథ్యంలో ఇటీవల ఏపీలో ప్రభుత్వ పాఠశాలలు తెరిచిన, రెండు, మూడు రోజులకే విద్యార్థులు వైరస్ బారిన పడుతుండటంతో తల్లిదండ్రుల్లో ఆందోళన పెరుగుతోంది. తాజాగా శ్రీకాకులం జిల్లా తాడివలస జెడ్పీ హైస్కూల్‌లో శుక్రవారం ఓ పదో తరగతి విద్యార్థికి కరోనా పాజిటివ్ నిర్ధారణ అయింది. దీంతో వెంటనే అప్రమత్తమైన స్థానిక అధికారులు పాఠశాలలోని అందరి విద్యార్థులకు, ఉపాధ్యాయులకు కరోనా పరీక్షలు చేయించారు.