సాంకేతిక పరిజ్ఞానంతో శ్మశాన వాటిక నిర్మాణం

దిశ, పటాన్‌చెరు: పటాన్‌చెరు పట్టణ శివారులోని చిన్న వాగు సమీపంలో రూ.90 లక్షల జీహెచ్ఎంసీ నిధులతో చేపట్టిన గ్యాస్, డీజిల్ శ్మశాన వాటికను త్వరలోనే ప్రారంభించినట్టు పటాన్‌చెరు ఎమ్మెల్యే గూడెం మహిపాల్ రెడ్డి తెలిపారు. శుక్రవారం జీహెచ్ఎంసీ అధికారులతో కలిసి నిర్మాణ పనులను పరిశీలించారు. ఈ సందర్భంగా ఎమ్మెల్యే మాట్లాడుతూ… పెరుగుతున్న జనాభాకు అనుగుణంగా ఈ శ్మశాన వాటికను నిర్మిస్తున్నట్టు తెలిపారు. పూర్తి ఆధునిక సాంకేతిక పరిజ్ఞానంతో, గ్యాస్, డీజిల్ వినియోగంతో నిర్మిస్తున్నట్టు తెలిపారు.