గవర్నర్‌తో ముగిసిన జగన్ భేటీ

దిశ ఏపీ బ్యూరో: శాసన సభ బడ్జెట్ సమావేశాల అనంతరం గవర్నర్‌ను ముఖ్యమంత్రి మర్యాద పూర్వకంగా కలవడం ఆనవాయతీ… ఈ ఆనవాయతీని కొనసాగిస్తూ, గవర్నర్‌ బిశ్వభూషణ్‌ హరిచందన్‌ను ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి కలిశారు. ఈ సందర్భంగా శాసన సభ, శాసన మండలి సమావేశాలు, కరోనా వైరస్ కట్టడి, ప్రభుత్వం చేపడుతున్న సంక్షేమ కార్యక్రమాలపై గవర్నర్‌కు సీఎం వివరించారు. సుమారు అరగంట పాటు వారిద్దరి మధ్య సమావేశం జరిగింది. ఈ సమావేశానికి జగన్‌తో పాటు ప్రభుత్వ సలహాదారు సజ్జల రామకృష్ణారెడ్డి కూడా ఉన్నారు.