ఎదురుపడ్డ బీజేపీ-టీఆర్ఎస్..పరిస్థితి ఉద్రిక్తత

దిశ, వెబ్‌డెస్క్: జీహెచ్ఎంసీ ఎన్నికల ప్రచారాలు పలు చోట్ల ఉద్రిక్తతలకు దారి తీస్తున్నాయి. ఇటీవల ఆర్కేపురంలో ఎదురుపడ్డ బీజేపీ-టీఆర్ఎస్ కార్యకర్తలు పోటా పోటీగా నినాదాలు చేసుకున్నారు. ఇక ఈ రోజు నుంచే బీజేపీ నుంచి ప్రచారం షురూ చేసిన గోషామహల్ ఎమ్మెల్యే రాజాసింగ్ కూకట్‌పల్లి, కేపీహెచ్‌బీ కాలనీల్లో రోడ్ షో నిర్వహించారు. సరిగ్గా ఇదే సమయంలో టీఆర్ఎస్ నేతలు అదే రూట్‌లో ప్రచారం చేస్తున్నారు. దీంతో బీజేపీ-టీఆర్ఎస్ నేతల మధ్య నినాదాలతో కూకట్‌పల్లి మార్మోగిపోయింది. గట్టిగా నినాదాలు చేయడమే కాకుండా తోపులాటలు జరిగాయి. దీంతో అక్కడ ఒక్కసారిగా ఉద్రిక్తత పరిస్థితులు నెలకొన్నాయి. ఇక రంగ ప్రవేశం చేసిన పోలీసులు ఇరువురు కార్యకర్తలను సముదాయించి పరిస్థితిని అదుపులోకి తీసుకొచ్చారు.