మరోసారి బిగ్‌బాస్ హౌజ్‌లోకి ఎంట్రీ ఇవ్వనున్న అరియానా
దిశ, సినిమా: రియాలిటీ షో 'బిగ్ బాస్' భాషతో సంబంధం లేకుండా దేశవ్యాప్తంగా అభిమానులను అలరిస్తోంది. హిందీతో పాటు తెలుగు, తమిళ, మలయాళ భాషల్లోనూ విజయవంతంగా దూసుకెళ్తున్న ఈ షో.. తెలుగులో 5 సీజన్లు పూర్తిచేసుకుంది. ఇక ట్రెండ్‌కు తగినట్లు హిందీలో ఓటీటీలోనూ ప్లాన్ చేయగా బిగ్గెస్ట్ సక్సెస్ అందుకుంది. దీంతో ఇపుడు తెలుగులోను ఓటీటీ ప్లాట్‌ఫామ్‌లో ప్రసారం చేసేందుకు నిర్వాహకులు ప్రయత్నాలు చేస్తున్నట్లు సమాచారం.
ఫిబ్రవరి నుంచి ప్రారంభం కాబోతున్న ఈ కార్యక్రమానికి నాగార్జుననే హోస్ట్ చేస్తారా లేదా మరో స్టార్‌కు ఈ బాధ్యత అప్పగిస్తారా అనే చర్చ సాగుతుండగా... సీజన్ 4లో స్ట్రాంగెస్ట్ కంటెస్టెంట్‌గా పేరు తెచ్చుకున్న అరియానా మాత్రం కంటెస్టెంట్‌గా కన్‌ఫర్మ్ అయినట్లు సమాచారం. అంతేకాదు ఇప్పటికే బిగ్ బాస్ ఆడిన ఆదర్శ్, తనీష్, అఖిల్, అలీ రెజా, హరితేజ పేర్లు కూడా పరిశీలనలో ఉన్నట్లు తెలుస్తోంది. ఇక యాంకర్ వర్షిణి, యాంకర్ శివ, ఢీ 10 విన్నర్ రాజు, టిక్ టాక్ స్టార్ దుర్గారావు, సాఫ్ట్ వేర్ డెవలపర్స్ వెబ్ సిరీస్ ఫేమ్ వైష్ణవి, సోషల్ మీడియా స్టార్ వరంగల్ వందన పేర్లు కూడా కంటెస్టెంట్ లిస్ట్‌లో ఉన్నాయని సమాచారం.
