పవన్ కల్యాణ్‌ను కలవబోతున్న సమంత.. కారణం తెలిసి ‘ఖుషీ’లో ఫ్యాన్స్?
దిశ, సినిమా: టాలీవుడ్ స్టార్ హీరోయిన్ సమంత గత కొద్ది కాలంగా సినిమాలకు గ్యాప్ ఇచ్చిన సంగతి తెలిసిందే. మయోసైటీస్ వ్యాధి కారణంగా ఇండస్ట్రీకి పూర్తిగా దూరంగా ఉన్న ఆమె మళ్లీ రీఎంట్రీ ఇచ్చేందుకు రెడీగా ఉంది. ఇటీవల ఓ మూవీని ప్రకటించింది. కానీ దానికి సంబంధించిన ఎలాంటి అప్డేట్‌ను రిలీజ్ చేయలేదు. సోషల్ మీడియాలో మాత్రం యాక్టివ్‌గా ఉంటూ హెల్త్ పాడ్ కాస్ట్ ద్వారా పలు విషయాలను వివరిస్తోంది. అంతేకాకుండా తనకు సంబంధించిన వాటిని అభిమానులతో పంచుకుంటోంది. అయితే సమంతకు సంబంధించిన ఏదో ఒక వార్త నిత్యం సోషల్ మీడియాలో వైరల్ అవుతూనే ఉంటుంది. కానీ ఎక్కువగా సమం స్సందించలేదు.ఇదిలా ఉంట.. తాజాగా, సామ్, ఏపీ డిప్యూటీ సీఎంను కలవబోతున్నట్లు టాక్. ఓ విషయంలో పవన్ హెల్ప్ తీసుకునేందుకు ఈ అమ్మడు ఆయన దగ్గరకు వెళ్లబోతున్నట్లు తెలుస్తోంది.
అసలు విషయంలోకి వెళితే.. సమంతకు నేచర్ అంటే ఎంత ఇష్టమో ప్రత్యేకంగా చెప్పాల్సిన పని లేదు. పచ్చని పోలాలు, చెట్ల మధ్య అమ్మడు ఎంజాయ్ మెంట్ మామూల్‌గా ఉండదు. పవన్ కల్యాణ్‌కు కూడా నేచర్‌పై మక్కువ ఎక్కువగానే ఉంటుందన్న సంగతి తెలిసిందే. అయితే చెట్లు నరకకుండా ఉండటానికి ప్రజల్లో అవగాహన కల్పించడానికి పవన్ సాయం తీసుకోబోతుందట సామ్. అంతేకాకుండా ఆరోగ్యం పట్ల శ్రద్ధ చూపించడం, సరైన డైట్ ఫాలో అయ్యేలా ప్రజల దగ్గరకు వెళ్లి సూచనలు చెప్పబోతున్నట్లు తెలుస్తోంది. అలాగే మయోసైటీస్ లాంటి వ్యాధి బారిన పడకుండా సరికొత్త పద్ధతిని ఇన్వాల్వ్ చేసి ప్రజలకు అవగాహన కల్పించబోతుందని సమాచారం. అయితే పవన్ కూడా సమంతకు అపాయింట్మెంట్ ఇచ్చినట్లు తెలుస్తోంది. ఇందులో నిజమెంత అనేది తెలియనప్పటికీ ఈ విషయం తెలిసిన సామ్ ఫ్యాన్స్ ఫుల్ ఖుషీ అవుతున్నారు.
