ఇకపై అద్దె ఇంట్లో ఉండబోతున్న ప్రభాస్.. దాని రెంట్ తెలిస్తే మైండ్ బ్లాక్ అవ్వాల్సిందే!
దిశ, సినిమా: టాలీవుడ్ స్టార్ హీరో ప్రభాస్ బాహుబలి సినిమాతో ఒక్కసారిగా పాన్ ఇండియన్ రేంజ్‌కు ఎదిగిపోయాడు. ఒక్కో సినిమా భారీ విజయాలను అందుకోవడంతో ఆయన పేరు ప్రపంచవ్యాప్తంగా మారుమోగుతోంది. డార్లింగ్ ఇటీవల నటించిన ‘సలార్’ సూపర్ హిట్ అందుకుంది. అంతేకాకుండా భారీ కలెక్షన్స్ కూడా బాగానే రాబట్టి ప్రేక్షకుల మెప్పు పొందింది. ప్రస్తుతం ప్రభాస్ కల్కి, రాజా సాబ్ డీలక్స్ వంటి సినిమాలతో రాబోతున్నాడు.
ఇదిలా ఉంటే.. తాజాగా, పాన్ ఇండియన్ స్టార్ ప్రభాస్‌కు సంబంధించిన ఓ న్యూస్ సోషల్ మీడియాను షేక్ చేస్తుంది. లండన్‌లో ఓ విలాసవంతమైన ఇల్లును రెంట్‌కు తీసుకున్నాడని నెట్టింట హాట్ టాపిక్‌గా మారింది. దానికి ఒక్క నెల అద్దె రూ. 60 లక్షలు అని టాక్. అయితే ఆ ఇల్లును తీసుకోవడానికి కారణం కల్కి మే 9న రిలీజ్ అయ్యాక లండన్‌లోని ఇంట్లో కొద్ది రోజులు రెస్ట్ తీసుకుంటారట. అలాగే షూటింగ్స్‌కు వెళ్లి వస్తున్న క్రమంలోనూ ఉపయోగపడుతుందన్న ఉద్దేశంతో తీసుకున్నట్లు తెలుస్తోంది. ఇందులో నిజమెంత అనేది తెలియనప్పటికీ ఈ వార్త ప్రస్తుతం సోషల్ మీడియాలో వైరల్‌గా మారింది.
