జాతకాలను నమ్మడం మొదలెట్టిన హీరో ప్రభాస్.. అందుకే అలాంటి పని చేస్తున్నాడా..?

దిశ, వెబ్ డెస్క్: సినిమాలు, రాజకీయాల విషయంలో చాలా మంది జాతకాలు నమ్ముతూ ఉంటారు. ఇప్పటికే సీనియర్ ఎన్టీఆర్, బాలకృష్ణ వంటి స్టార్స్ ఇలాంటి వాటిని నమ్ముతారని చాలా సార్లు రుజువైంది. అయితే ఇటీవల ప్రముఖ ఆస్ట్రాలజర్ వేణు స్వామి చెప్పిన విషయాలు నిజమవడంతో చాలా మంది స్టార్ హీరోలు, హీరోయిన్లు ఆయన దగ్గరకు వెళ్లి జాతకం చూపించుకుని పరిహార పూజలు కూడా చేస్తున్నారు.

తాజాగా, అలాంటి జాతకాలను పాన్ ఇండియా స్టార్ ప్రభాస్ కూడా నమ్ముతున్నట్లు ఓ వార్త హాట్ టాపిక్‌గా మారింది. డార్లింగ్ హీరోగా రాబోతున్న తాజా, చిత్రం ‘సలార్’. ఈ సినిమా టీజర్ జూలై 6న ఉదయం 5.12 నిమిషాలకు విడుదల చేయనున్నట్లు చిత్ర యూనిట్ అధికారికంగా తెలుపుతూ ఓ పోస్టర్‌ను రిలీజ్ చేశారు. అయితే అది చూసిన నెటిజన్లు ఎవరైనా ఉదయం పూట, మధ్యాహ్నం, లేదా సాయంత్రం టీజర్ రిలీజ్ చేస్తారు. కానీ, ఇలా ఎవరూ నిద్రలేవని సమయంలో టీజర్ రిలీజ్ చేస్తున్నారంటే ప్రభాస్ జాతకాలను నమ్ముతున్నాడని అనుమానం వ్యక్తం చేస్తున్నారు. కాగా, ఇటీవల విడుదలైన ‘ఆదిపురుష్’ సినిమాకు సంబంధించిన అన్ని అప్డేట్స్ 8 గంటల లోపే ఇచ్చారు. కానీ, ఇప్పుడు ‘సలార్’ విషయంలో మాత్రం ఎవరూ నిద్రలేవక ముందే టీజర్ రిలీజ్ చేయడం అనేది అందరినీ ఆశ్చర్యానికి గురి చేస్తోంది.

Read more: ‘మహా విష్ణు’ అవతారంలో ప్రభాస్.. రామాయణం మార్చేశారు.. ఇప్పుడు ఏం చేయాలనుకుంటున్నారు..!