‘గేమ్ చేంజర్’ నుంచి దోప్ సాంగ్ రిలీజ్.. మాస్ స్టెప్స్‌తో అదరగొట్టిన రామ్ చరణ్-కియారా
దిశ, సినిమా: గ్లోబల్ స్టార్ రామ్ చరణ్(Ram Charan), కియారా అద్వానీ(Kiara Advani) కాంబోలో రాబోతున్న లేటెస్ట్ మూవీ ‘గేమ్ చేంజర్’(Game Changer). ఈ సినిమాకు శంకర్(Shankar) దర్శకత్వం వహిస్తుండగా.. ఎస్‌జే సూర్య, శ్రీకాంత్(Srikanth), సునీల్, అంజలి(Anjali) కీలక పాత్రల్లో కనిపించనున్నారు. అయితే ఈ చిత్రంపై ప్రేక్షకుల్లో భారీ అంచనాలు నెలకొన్నాయి. ఇప్పటికే ‘గేమ్ చేంజర్’ నుంచి ట్రైలర్, పోస్టర్స్, రా మచ్చా, నానా హైరానా, జరగండి సాంగ్ మంచి హైప్‌ను క్రియేట్ చేశాయి.
అయితే షూటింగ్ శరవేగంగా జరుపుకుంటున్న ఈ సినిమా వచ్చే ఏడాది సంక్రాంతి కానుకగా జనవరి 10న థియేటర్స్‌లో విడుదల కానుంది. ఈ క్రమంలో.. ప్రమోషన్స్ స్టార్ట్ చేసిన మూవీ మేకర్స్ వరుస అప్డేట్స్ ఇస్తున్నారు. నేడు, అమెరికాలోని డల్లాస్‌లో ప్రీ-రిలీజ్ వేడుక నిర్వహించారు. ఇందులో భాగంగా ‘గేమ్ చేంజర్’ నుంచి నాలుగో పాట ‘దోప్’ అంటూ సాగే సాంగ్‌ను విడుదల చేశారు. ఇందులో కియారా, రామ్ చరణ్ వేసిన మాస్ స్టెప్స్ అందరినీ ఆకట్టుకుంటున్నాయి. అలాగే లిరిక్స్ ఇంగ్లీష్‌లో ఉన్నాయి.
