నాలుగు వారాల్లో పుష్ప-2 వసూళ్లు ఎంతో తెలుసా..? పోస్ట్ వైరల్
దిశ, సినిమా: ఐకానిక్ స్టార్ అల్లు అర్జున్, నేషనల్ క్రష్ రష్మిక మందన్న జంటగా నటించిన సినిమా ‘పుష్ప-2’. సుకుమార్ దర్శకత్వం వహించిన ఈ చిత్రం డిసెంబర్ 5న థియేటర్లలో రిలీజ్ అయి బ్లాక్ బస్టర్ హిట్ అనిపించుకుంది. ఇక కలెక్షన్ల విషయంలో బాక్సాఫీస్ వద్ద ఇప్పటికీ సునామీ సృష్టిస్తూ రికార్డులు క్రియేట్ చేస్తోంది. ఈ క్రమంలో ఈ సినిమాకు సంబంధించిన ఓ న్యూస్ నెట్టింట వైరల్ అవుతోంది.
పుష్ప-2 సినిమా విడుదల అయి నాలుగు వారాలు కావొస్తున్నా వసూళ్ల విషయంలో మాత్రం తగ్గేదేలే అంటుంది. హిందీ వెర్షన్ ఒక్కటే ప్రపంచ వ్యాప్తంగా రూ.1000 కోట్లు వసూలు చేసినట్లు ట్రేడ్ వర్గాలు అంచనాలు వేశాయి. అయితే వైల్డ్ ఫైర్ బ్లాక్ బస్టర్ నాలుగు వారాల్లో ప్రపంచ వ్యాప్తంగా రూ.1799 కోట్ల గ్రాస్‌ను వసూల్ చేసినట్లు మేకర్స్ పోస్టర్ ద్వారా వెల్లిడించారు. ప్రస్తుతం ఈ పోస్టర్ నెట్టింట వైరల్‌గా మారగా.. నెటిజన్లు ఈజీగా రూ. 2000 కోట్ల కలెక్షన్ల మార్కును దాటుతుందంటూ కామెంట్స్ చేస్తున్నారు.
