ఘనంగా చింపు బర్త్ డే సెలబ్రేషన్స్

దిశ, వెబ్ డెస్క్: హైదరాబాద్ లోని నెహ్రూ జూలాజికల్ పార్క్ లో చింపాంజి పుట్టిన రోజు వేడుకలు కరోనా వైరస్ విస్తృత వ్యాప్తి మూలంగా నిరాడంబరంగా జరిగాయి. ప్రతి సంవత్సరం చింపాంజీ (సుజి) పుట్టినరోజు వేడుకలను జూ సిబ్బంది సందర్శకుల మధ్యలో ఘనంగా నిర్వహించేవారు. ఈ ఏడాది కరోనా కారణంగా జూలోకి అనుమతి లేకపోవటంతో బర్త్ డేను నిరాడంబరంగా జరిపారు. గదిలో చింపాంజీ ముందు పళ్లతో తయారు చేసిన కేక్‌ను ఉంచటంతో అది సంబురపడుతూ దాన్ని తినేసింది. కాగా ఈ బర్త్ డేతో సుజి 33 సంవత్సరాలు పూర్తి చేసుకుని 34వ సంవత్సరంలోకి అడుగు పెట్టింది. కేక్ కటింగ్ తర్వాత రొట్టెలను సుజీకి ఆహారంగా అందించారు. ఈ చింపాంజీని 2011లో సహారా గ్రూప్ వారు జూకి బహుమతిగా ఇచ్చారు. దాంతో అప్పటినుంచి ఇది జూలో సందర్శకులను ఆకట్టుకుంటుంది. సుజి చాలా మంచిదని, సందర్శకులు దానిని చూసి చాలా సంతోషపడతారని జూ సిబ్బంది అంటున్నారు.