Indian Coast Guard: డిగ్రీ అర్హతతో ఇండియన్ కోస్ట్ గార్డ్ లో ఉద్యోగ అవకాశాలు.. పోస్టులు, జీతం వివరాలివే..!

దిశ, వెబ్‌డెస్క్: భారత రక్షణ మంత్రిత్వ శాఖ(Ministry of Defense)కు చెందిన ఇండియన్ కోస్ట్ గార్డ్(Indian Coast Guard) వివిధ ఉద్యోగాల భర్తీకి నోటిఫికేషన్ రిలీజ్ చేసింది. ఈ రిక్రూట్‌మెంట్ ద్వారా 140 అసిస్టెంట్ కమాండెంట్(Assistant Commandant) పోస్టులను భర్తీ చేయనున్నారు. అర్హులైన పురుష అభ్యర్థులు అధికారిక వెబ్‌సైట్ https://joinindiancoastguard.cdac.in ద్వారా ఆన్‌లైన్(Online) విధానంలో అప్లై చేసుకోవాల్సి ఉంటుంది. దరఖాస్తు చేసుకోడానికి చివరి తేదీ 24 డిసెంబర్ 2024.

పోస్టు పేరు, ఖాళీలు:

• జనరల్ డ్యూటీ(GD) - 110
• టెక్నికల్(Technical) - 30

విద్యార్హత:

పోస్టును బట్టి ఇంటర్మీడియట్, డిగ్రీ పూర్తి చేసి ఉండాలి. నిర్దిష్ట శారీరక ప్రమాణాలు కలిగి ఉండాలి.

వయోపరిమితి:

1 జులై 2025 నాటికి 21 నుంచి 25 ఏళ్ల మధ్య ఉండాలి. ఓబీసీలకు 3 ఏళ్లు, ఎస్సీ, ఎస్టీలకు 5 ఏళ్ల సడలింపు ఉంటుంది.

ఎంపిక ప్రక్రియ:

స్టేజ్-1, స్టేజ్-2, స్టేజ్-3, స్టేజ్-4, స్టేజ్-5 ఎగ్జామ్స్, సర్టిఫికెట్ వెరిఫికేషన్ ఆధారంగా అభ్యర్థులను ఎంపిక చేస్తారు.

దరఖాస్తు ఫీజు :

జనరల్/ ఓబీసీ అభ్యర్థులకు రూ. 300, ఎస్సీ, ఎస్టీ అభ్యర్థులకు ఫీజు నుంచి మినహాయింపు ఉంటుంది.

జీతం:

ఈ పోస్టులకు ఎంపికైన అభ్యర్థులకు నెలకు రూ. 56,100 జీతం ఉంటుంది.