బోల్తా పడిన కారు… జువ్వాడి బ్రదర్స్‌‌కు తప్పిన ప్రమాదం

దిశ, ధర్మపురి: కోరుట్ల కాంగ్రెస్ ఇంచార్జ్, సీనియర్ నాయకుడు జువ్వడి నర్సింగరావు, అతని సోదరుడు చంద్రశేఖర్ రావులు రోడ్డు ప్రమాదం నుంచి తృటిలో తప్పించుకున్నారు. ధర్మపురి నుండి తన స్వగ్రామానికి సోమవారం కారులో వెళుతుండగా ఓ టూవీలర్ ఎదురుగా వచ్చింది. టూవీలర్‌ను తప్పించే క్రమంలో కారు అదుపు తప్పి బోల్తా పడింది. సరిగ్గా సమయానికి కారులో ఎయిర్ బ్యాగులు ఓపెన్ కావడంతో అందులో ప్రయాణిస్తున్న నర్సింగరావు, చంద్రశేఖర్ రావు, సాయిని శ్రీనివాస్‌లు స్వల్ప గాయాలతో బయట పడ్డారు.