భారీగా గంజాయి పట్టివేత.. ఎక్కడంటే..?

దిశ ఏపీ బ్యూరో: తూర్పుగోదావరి జిల్లాలో భారీ స్థాయిలో గంజాయి పట్టుబడింది. చింతూరు డివిజన్ డొంకరాయి పోలీస్ స్టేషన్ పరిధిలో సుమారు 44 లక్షల 10 వేల రూపాయల విలువ గల 1470 కేజీల గంజాయి పట్టుబడడం కలకలం రేపింది. కంటైనర్‌లో తరలిస్తున్న గంజాయిని సీజ్ చేసిన పోలీసులు నలుగురు నిందితులను అరెస్ట్ చేశారు. మరో ఇద్దరు స్మగ్లర్ల కోసం డొంకరాయి పోలీసులు గాలిస్తున్నారు. కంటైనర్ లారీ, ద్విచక్ర వాహనాన్ని పోలీసులు స్వాధీనం చేసుకున్నారు.