మార్కెట్లోకి ‘Kia’ కొత్త మోడల్ కారు

దిశ, వెబ్‌డెస్క్: కీయా కంపెనీ సోనెట్ లైనప్‌లో భాగంగా కొత్తగా ‘ఆరోక్స్’ ఎడిషన్‌ను కారును లాంచ్ చేసింది. దీని ధర రూ. 11.85 లక్షల నుండి రూ. 13.45 లక్షలు (ఎక్స్-షోరూమ్). Kia Sonet Aurochs డిజైన్ వినియోగదారులకు బాగా నచ్చుతుందని కంపెనీ పేర్కొంది. ఇది 1.0-లీటర్ టర్బో పెట్రోల్ ఇంజన్, 1.5-లీటర్ డీజిల్ వేరియంట్‌ ఇంజన్‌లో లభిస్తుంది. పెట్రోల్ వేరియంట్ 118 bhp గరిష్ట శక్తిని, 172 Nm గరిష్ట టార్క్‌ను ఉత్పత్తి చేస్తుంది. అలాగే, 6-స్పీడ్ iMT ట్రాన్స్‌మిషన్‌తో వస్తుంది. అదే డీజిల్ మోడల్ 114 bhp శక్తిని, 250 Nm టార్క్‌ను ఉత్పత్తి చేస్తుంది. ఇది 7-స్పీడ్ DCT ట్రాన్స్‌మిషన్‌తో వస్తుంది.

ఈ రెండింటిలో LED హెడ్‌ల్యాంప్‌లు, ఎలక్ట్రిక్ సన్‌రూఫ్, వైర్‌లెస్ ఆండ్రాయిడ్ ఆటో, Apple CarPlayతో కూడిన 8-అంగుళాల టచ్‌స్క్రీన్ సిస్టమ్, పుష్-బటన్ స్టార్ట్-స్టాప్, ఆటోమేటిక్ AC, నాలుగు ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, రియర్ పార్కింగ్ కెమెరా, హిల్ హోల్డ్ అసిస్ట్, ట్రాక్షన్ కంట్రోల్ వంటి భద్రతా ఫీచర్లు ఉన్నాయి. దీని లోపల క్యాబిన్ కూడా చాలా అధునాతనంగా ఉంటుందని కంపెనీ పేర్కొంది.