న్యూ కెమెరా, టైటానియం ఫ్రేమ్‌తో ఐఫోన్ 15 విడుదల.. ధరలు ఎలా ఉన్నాయంటే..?

దిశ, వెబ్ డెస్క్ : ప్రపంచ వ్యాప్తంగా ఆపిల్ లవర్స్ ఆసక్తిగా ఎదురుచూస్తున్న ఐఫోన్ 15 సిరీస్‌ను ఆ సంస్థ సీఈవో టిమ్ కుక్ మంగళవారం విడుదల చేశారు. ఈ సంవత్సరం కూడా కంపెనీ నాలుగు మోడళ్లను విడుదల చేసింది. అందులో ఐఫోన్ 15, ఐఫోన్ 15 ప్లస్, ఐఫోన్ 15 ప్రో, 15 ప్రో మాక్స్ వేరియంట్లు ఉన్నాయి. అయితే, ఈసారి ఆపిల్ చార్జింగ్ పోర్ట్ ను సీ పోర్ట్ గా కన్వర్ట్ చేశారు. డైనమిక్ ఐలాండ్ నుంచి ఫోన్ డిజైన్ లో కంపెనీ కొన్ని కీలక మార్పులు చేసింది. అదేవిధంగా ఫోన్ ఎడమ భాగంలో ఉండే సెలైంట్ బటన్ స్థానంలో కొత్తగా యాక్షన్ బటన్ ను చేర్చారు. స్టాండర్డ్, ప్రో మోడళ్లలో హార్డ్‌వేర్ పరంగా భారీ మార్పులు చోటుచేసుకున్నాయి. ఇక ధర విషయానికి వస్తే.. భారత మార్కెట్లో ప్రో మోడళ్ల ధరలు పెరిగాయి. ఐఫోన్ 15 ప్రో మోడల్ ధర రూ.1,34,900, 15 ప్రో మాక్స్ ధర రూ.1,59,900, ఐఫోన్ 15, 128GB స్టోరేజ్ మోడల్‌కు రూ.79,900, ఐఫోన్ 15 ప్లస్ మోడల్‌ రూ.89,900 లకు విక్రయించనున్నారు.