‘సీఏఏ రద్దు ఓవైసీని మెప్పించడానికా..?’

టీఆర్ఎస్ సర్కార్‌పై బీజేపీ రాష్ట్ర అధ్యక్షులు లక్ష్మణ్ ఫైర్ అయ్యారు. ఓవైసీ బ్రదర్స్‌ను మెప్పించడానికి.. తెలంగాణ కేబినెట్ సీఏఏ రద్దుకు నిర్ణయం తీసుకుందా అంటూ నిలదీశారు. కేసీఆర్, కేటీఆర్‌కు రాజ్యాంగం తెలియదా అని ప్రశ్నించారు. తెలంగాణ కేబినెట్ ఈ నిర్ణయం తీసుకోవడం వింతగా ఉందన్నారు. పార్లమెంటులో ఆమోదం పొందిన బిల్లును.. రాష్ట్ర ప్రభుత్వం ఎలా వ్యతిరేకిస్తుందని లక్ష్మణ్ మండిపడ్డారు. శరణార్థులకు రక్షణ కల్పించేందుకే సీఏఏను తీసుకొచ్చామని ఆయన వెల్లడించారు.