జోష్ పెంచిన బీజేపీ.. ప్రజాసంగ్రామ యాత్రలో యూత్ లీడర్
దిశ, డైనమిక్ బ్యూరో: రాష్ట్రంలో బీజేపీ తన సత్తా చూపించేందుకు ప్రణాళికాబద్ధంగా నిర్ణయాలు తీసుకుంటోంది. జాతీయ స్థాయి నాయకులను రాష్ట్రంలో పర్యటించేలా చేసి ప్రజల దృష్టిని ఆకర్షించేందుకు ప్రయత్నిస్తోంది. ఈ నేపథ్యంలో 17న నిర్మల్‌లో జరగబోయే సభకు కేంద్ర హోం మంత్రి అమిత్ షాను రాష్ట్రానికి తీసుకొస్తున్నట్లు ఇదివరకే ప్రకటించిన విషయం తెలిసిందే. తాజాగా.. బీజేవైఎం జాతీయ అధ్యక్షులు, ఎంపీ తేజస్వి సూర్యను ప్రజాసంగ్రామ యాత్రలో పాల్గొనేందుకు రాష్ట్రానికి ఆహ్వానించారు. ఈ నేపథ్యంలో ఆయన మంగళవారమే హైదరాబాద్‌కి చేరుకోగా.. పెద్ద ఎత్తున బీజేపీ శ్రేణులు ఘన స్వాగతం పలికారు. హైదరాబాద్ గడ్డపై అడుగుపెట్టిన తేజస్వి సూర్య తెలుగులో ట్వీట్ చేసి కార్యకర్తల్లో ఉత్సాహం నింపారు. ‘‘ భాగ్యనగరం తన శక్తి సంపదతో నన్ను ఎల్లప్పుడూ మంత్రముగ్ధున్ని చేస్తోంది. ప్రతీ సందర్శనలో @BJYM & BJP ని సమర్థించే నాగరికుల సంఖ్య పెంచుతూ వస్తోంది. నేను తెలుగు భాషా వ్యవహారీకులందరికీ, దేశ నిర్మాణకృషిలో భాగస్వాములు కావాలసిందిగా పిలుపునిస్తున్నాను.’’ అంటూ తన సంతోషాన్ని వ్యక్తం చేశారు.
భాగ్యనగరం తన శక్తి సంపదతో నన్ను ఎల్లప్పుడూ మంత్రముగ్ధున్ని చేస్తూంది.
ప్రతి సందర్శనలో @BJYM & BJP కి సమర్థించు నాగరికులసంఖ్య పెరుగుతూవస్తున్నది.
నేను తెలుగు భాషా వ్యవహారీకులకు అందరికీ, దేశ నిర్మాణకృషిలో భాగస్వాములు కావాలసిందిగా పిలుపునిస్తున్నాను.#PrajaSangramaYatra pic.twitter.com/jOVhxYTQNm
— Tejasvi Surya (@Tejasvi_Surya) September 7, 2021
