భారీగా రెమ్యూనరేషన్ తీసుకున్న శోభాశెట్టి.. 14 వారాల ప్యాకేజీ ఎన్ని లక్షలో తెలుసా..?

దిశ, వెబ్‌డెస్క్: బిగ్ బాస్ సీజన్ 7 కంటెస్టెంట్‌లో ఒకరైన శోభాశెట్టి గురించి తెలిసిందే. మౌనితగా బిగ్ బాస్ హౌస్‌లోకి ఎంట్రీ ఇచ్చిన ఈ భామ.. 14 వారాలు హౌస్‌లో ట్రావెల్ చేసింది. ఇక తాజాగా ఎలిమినేట్ అయ్యి హౌస్ నుంచి బయటకు వచ్చింది. 14 వారాలు బిగ్ బాస్ హౌస్‌లో ఉన్నందుకు శోభాశెట్టి ఎంత రెమ్యూనరేషన్ తీసుకుందో చూద్దాం.

బిగ్ బాస్ సీజన్ 7 స్టార్ట్ అయిన రెండు మూడు వారాల నుంచి శోభాశెట్టిపై సోషల్ మీడియాలో విపరీతమైన ట్రోల్స్ స్టార్ట్ అయ్యాయి. అమర్, ప్రియాంకలతో తప్ప.. ఇక హౌస్‌లో ఉన్న ప్రతి ఒక్కరితో గొడవలు పెట్టుకోవడం, రెచ్చగొట్టడం లాంటివి చేసి ప్రేక్షకులకు చిరాకు వచ్చేలా చేసింది. దీంతో బయటికి వస్తే ఏం చేస్తామో తెలియదు అన్నట్లుగా నెట్టింట నెగిటివ్ కామెంట్లు పెట్టేవారు. అయితే.. సోషల్ మీడియాలో అన్ని ట్రోల్స్ జరుగుతున్న, నెగిటివ్ టాక్ వస్తున్నప్పటికీ 14 వారాలు శోభా ఎలిమినేట్ అవ్వకుండా హౌస్‌లో ఉండటం అందరిని ఆశ్చర్యానికి గురిచేసింది.

దీంతో శోభా ఎన్ని తప్పులు చేసిన బిగ్ బాస్ ఎలిమినేట్ చెయ్యడు. ఎందుకంటే ఆమె బిగ్ బాస్ దత్త పుత్రిక అంటూ నెట్టింట విపరీతమైన ట్రోల్స్ చేశారు. కాగా.. ఎట్టకేలకు చాలా మంది ఆశలు నెరవేరాయి. గత ఆదివారం శోభా ఎలిమినేట్ అయ్యి ఇంటి నుంచి బయటకు వచ్చింది. అయితే.. 14 వారాలు ఉన్నందుకు రెమ్యూనరేషన్ గట్టిగానే తీసుకున్నట్లు తెలుస్తోంది. వారాని రూ. 2 లక్షలు చొప్పున.. మొత్తం 14 వారాలకు గాను రూ. 28 లక్షలు సంపాదించిందని సమాచారం. కాగా.. ప్రస్తుతం హౌస్‌లో పల్లవి ప్రశాంత్, శివాజీ, యావర్, ప్రియాంక, అమర్, అర్జున్‌లు ఉన్నారు. వీరిలో విన్నర్ ఎవరో తెలియాలంటే కొన్ని రోజులు వేచి ఉండాల్సిందే.