నీ రంగులు చాలా చూశాను.. ప్రియాంకపై శివాజీ ఫైర్

దిశ, వెబ్‌డెస్క్: బిగ్ బాస్ హౌస్‌లో నిన్నటి నుంచి నామినేషన్ ప్రక్రియ కొనసాగుతూనే ఉంది. నామినేషన్ హీట్‌తో బిగ్ బాస్ హౌస్ హోరెత్తిపోతుంది. ఎవిక్షన్ పాస్ విషయంలో యావర్ చేసిన మిస్టేక్ కారణంగా ఈ వారం నామినేషన్‌లో అతడు టార్గెట్ అయ్యారు. ఇక ప్రశాంత్, గౌతమ్‌ల మధ్య కూడా మాటల యుద్ధం నడిచింది. ఇక ఈ రోజు ప్రోమో విషయానికి వస్తే.. గత కొంత కాలంగా కోపాన్ని దాచుకుంటున్న శివాజీ ఈ రోజు బరస్ట్ తెలుస్తోంది. అమర్, ప్రియాంక, శోభ శెట్టిలాపై పీకల దాకా కోపంతో ఉన్న శివాజీ.. వారి గురించి ఎక్కడా ఓపెన్ అయ్యిందే లేదు. కానీ ఈ రోజు మాత్రం ప్రియాంకకు గట్టిగానే ఇచ్చిపడేశాడు.

ఇక ఏదో పాయింట్ చెప్పి ప్రియాంక శివాజీని నామినేట్ చెయ్యబోతే.. ఆమె ఏం చెప్తుందో వినేందుకు కూడా శివాజీ రెడీగా లేడు. దీంతో మాట్లాడండి అని ప్రియాంక అడగ్గా.. నువ్వు ఎంత వాదించిన నేను వినేది లేదు. నీ నామినేషన్‌ని యాక్సెప్ట్ చేస్తున్నా అంటూ వెళ్లి కూర్చోబోతాడు. అయితే ప్రియాంక మాత్రం నేను అడిగిన దానికి సమాధానం చెప్పండి అంటూ సాగదీస్తూనే ఉంటుంది. దీంతో చిరెత్తుకొచ్చిన శివాజీ.. నీ రంగులు అన్నీ చూస్తున్నాను కాబట్టే మాట్లాడుతున్నాను.. ప్రతిసారి పొరపాట్ల మీద పొరపాట్లు చేస్తూనే ఉన్నావ్ అంటూ గట్టిగానే సీరియస్ అవుతాడు. దీనికి సంబంధించిన ప్రోమో ప్రస్తుతం సోషల్ మీడియాలో వైరల్ అవుతోంది.