వ్యాక్సిన్‎పై భారత్ బయోటెక్ కృషి అభినందనీయం

దిశ, వెబ్‎డెస్క్: కరోనా వైరస్ వ్యాక్సిన్ విషయంలో తెలంగాణకు చెందిన భారత్ బయోటెక్ చేస్తున్న కృషి అభినందనీయమని ఎంఐఎం నేత అక్బరుద్దీన్ ఒవైసీ అన్నారు. అసెంబ్లీలో కరోనాపై స్పల్పకాలిక చర్చలో అక్బరుద్దీన్ మాట్లాడుతూ.. హైదరాబాద్‎కు చెందిన భారత్ బయోటెక్ సంస్థతో సీఎం కేసీఆర్ సమావేశం ఏర్పాటు చేయాలని సూచించారు. కేంద్ర ప్రభుత్వంతో సంబంధం లేకుండా రాష్ట్రంలో కరోనా వ్యాక్సిన్ వచ్చేలా చూడాలని కోరారు. దీనిపై వెంటనే స్పందించిన సీఎం కేసీఆర్.. ఈ విషయంలో సంస్థతో మాట్లాడుతున్నామని, వ్యాక్సిన్ పంపిణీలో రాష్ట్రానికి ప్రాధాన్యత ఉంటుందని స్పష్టం చేశారు.