మా' ఎన్నికల ఫలితాలపై బండి సంజయ్ సెన్సేషనల్ ట్వీట్
దిశ, డైనమిక్ బ్యూరో: రాజకీయ రణరంగాన్ని తలపించిన మూవీ ఆర్టిస్ట్ అసోసియేషన్ ఎన్నికలు ఎట్టకేలకు ముగిశాయి. కలెక్షన్ కింగ్ మంచు మోహన్ బాబు ముందుండి తన వారసుడు మంచు విష్ణుని ‘మా’ అధ్యక్షుడిగా గెలిపించారు. అయితే, దీనిపై విభిన్న అభిప్రాయాలు వ్యక్తమవుతున్నాయి. మెగా ఫ్యామిలీ ప్రకాశ్ రాజ్ కి సపోర్ట్ చేస్తున్నట్లు నాగబాబు ప్రకటించగా.. విష్ణు గెలవడంతో అసహనానికి గురైన నాగబాబు ‘మా’ సభ్యత్వానికి రాజీనామా చేసిన విషయం తెలిసిందే. అంతేకాకుండా ప్రకాశ్ రాజ్ కూడా అదే తరహాలో రాజీనామా చేశారు.
ఇదిలా ఉండగా ‘మా’ ఎన్నికలపై స్పందించిన తెలంగాణ బీజేపీ చీఫ్ బండి సంజయ్ ట్విట్టర్ వేదికగా సంచలన వ్యాఖ్యలు చేశారు. ఆయన చేసిన ట్వీట్ ‘‘ “మా” అధ్యక్షుడిగా గెలిచిన మంచు విష్ణు తో సహా ఇరు ప్యానెల్ లోని విజేతలందరికి శుభాకాంక్షలు. జాతీయవాద వ్యతిరేక శక్తుల్ని చిత్తుగా ఓడించిన “మా” ఓటర్లకు ధన్యవాదాలు. దేశాన్ని విచ్ఛిన్నం చేయాలనుకున్న తుకుడే గ్యాంగ్ కు మద్దతిచ్చిన వారికి సరైన గుణపాఠం జరిగింది. “మా” ఓటర్లు ఎలాంటి నిర్ణయం తీసుకోబోతున్నారు అని రెండు తెలుగు రాష్ట్రాల ప్రజలు ఎదురు చూశారు. “మా” ఓటర్లు స్ఫూర్తిదాయకమైన తీర్పు ఇచ్చారు. అందరికి అభినందనలు. భారత్ మాతాకి జై !’’ అని ట్వీట్ చేశారు. దీంతో సినిమా రంగంలో జరిగిన ఎన్నిక రాజకీయ రంగు పూసుకుందంటూ ‘‘ సినిమా కి కూడా మీ రాజకీయ రంగులు పూస్తున్నారా..?? నిన్నటి దాకా చిన్న అనుమానం మీరు వైసీపీ రహస్య మిత్రులు అని అది ఇప్పుడు కన్ఫర్మ్ అయ్యింది’’.. నెటిజన్లు ట్వీట్లు చేస్తున్నారు. ‘‘ ఇక్కడ సినిమాలు వేరు రాజకీయాలు వేరు…అలా అనుకుంటే మీ బీజేపీ తెలంగాణ ఎక్స్ ఎమ్మెల్యే బాబు మోహన్ తుక్కు తుక్కు గా ఓడిపోయాడు కదా…’’ అంటూ బండి సంజయ్ ని విమర్శిస్తూ ట్వీట్లు చేస్తున్నారు.
ఇక్కడ సినిమాలు వేరు రాజకీయాలు వేరు…అలా అనుకుంటే మీ బీజేపీ తెలంగాణ ఎక్స్ ఎమ్మెల్యే బాబు మోహన్ తుక్కు తుక్కు గా ఓడిపోయాడు కదా…🤭
— Santhosh Reddy (@Santhosh4J) October 10, 2021
