సెన్సేషనల్ న్యూస్.. తీన్మార్ మల్లన్న‌పై అటాక్ (వీడియో)
దిశ, వెబ్‌‌డెస్క్: ‘శనార్తి తెలంగాణ’ పత్రిక ఆఫీసులో శుక్రవారం రాత్రి పలువురు దుండగుల దాడి కలకలం రేపింది. ముఖానికి మాస్కులు పెట్టుకుని వచ్చిన పలువురు యువకులు తీన్మార్ మల్లన్న, ఎంప్లాయిస్‌పై దాడి చేశారు. ఆఫీస్ ఫర్నీచర్ కూడా ధ్వంసం చేశారు. దీనికి సంబంధించిన వీడియో వైరల్ అవుతోంది.
ఇక ఈ ఘటనపై తీన్మార్ మల్లన్న సంచలన ఆరోపణలు చేశారు. మంత్రి కేటీఆర్ మనుషులు వచ్చి తనపై దాడి చేశారంటూ ఆరోపించారు. బూతులు తిట్టడమే కాకుండా.. మారణాయుధాలతో వచ్చి దాడి చేశారన్నారు. మంత్రి కేటీఆర్ నిజాలు మాట్లాడితే ఓర్వలేక ఇటువంటి దాడులు చేయిస్తున్నారని చెప్పుకొచ్చారు. పోలీసులకు సమాచారం ఇచ్చినా కూడా సమయానికి రాలేదని మండిపడ్డారు.
‘అమెరికాలో ఉన్న కేటీఆర్ నిజాలను ఓర్చుకోలేక శనార్తి తెలంగాణ పత్రికపై దాడి చేయించావు. 20 మంది టీఆర్ఎస్ పార్టీ గూండాలు వచ్చారు. ఎంప్లాయిస్‌పై దాడి చేశారు. ఫర్నీచర్ ధ్వంసం చేశారు. సమస్య కోసం వచ్చారని కూర్చీలు వేస్తున్న సమయంలోనే సిస్టమ్‌లను ధ్వంసం చేశారు. మేడిపల్లి పోలీసులు నిందితులను అరెస్ట్ చేయాలి’ అంటూ తీన్మార్ మల్లన్న డిమాండ్ చేశారు. అంతే కాకుండా.. మంత్రి కేటీఆర్‌ను తీవ్ర పదజాలంతో దూషించడం గమనార్హం.
- Tags
- attack
