బాలీవుడ్ బాద్‌షాతో లేడీ సూపర్‌స్టార్..?
దిశ, సినిమా : ఇళయ దళపతి విజయ్‌తో డైరెక్టర్ అట్లీ తెరకెక్కించిన ‘బిగిల్’ సినిమాలో ఫిమేల్ లీడ్‌గా నటించిన నయనతార మరో క్రేజీ ఆఫర్ దక్కించుకుంది. బాలీవుడ్ బాద్‌షా షారుఖ్ ఖాన్-అట్లీ కాంబినేషన్‌లో రానున్న అప్‌కమింగ్ మూవీలో ఈ లేడీ సూపర్‌స్టార్‌ను హీరోయిన్‌గా తీసుకున్నట్టు సమాచారం. ఈ చిత్ర షూటింగ్ డిసెంబర్‌లో ప్రారంభం కానుండగా.. అఫిషియల్ న్యూస్ కోసం ఎదురుచూస్తున్నారు ఫ్యాన్స్.
ఈ సినిమాకు మాస్టర్ పీస్ మ్యూజిషియన్ రెహమాన్ మ్యూజిక్ అందించనున్నట్టు గతంలో వినిపించగా.. డైరెక్టర్ అట్లీ ఇప్పటికే ప్రీ ప్రొడక్షన్ వర్క్‌లో నిమగ్నమైనట్లు తెలుస్తోంది. అంతేకాదు ఈ క్రేజీ మూవీలో షారుఖ్ డ్యూయల్ రోల్‌లో నటించనుండగా.. కాస్ట్ అండ్ క్రూ వివరాలను మేకర్స్ త్వరలోనే అధికారికంగా వెల్లడించనున్నారు. ప్రస్తుతానికి షారుఖ్ ‘పఠాన్’ షూటింగ్‌లో పాల్గొంటుండగా.. నయనతార సౌత్‌లో ‘అన్నత్తే, కాతు వాకుల రెండు కాదల్, నిజాల్’ సినిమాలతో బిజీగా ఉంది.
