ఇల్లు కబ్జాకు యత్నించిన లీడర్!

దిశ, తెలంగాణ క్రైమ్‌బ్యూరో: ఫోర్జరీ డాక్యుమెంట్లతో ఇల్లు కబ్జా చేయాలని చూసిన ఓ రాజకీయ నాయకుడు కటకటాల పాలయ్యాడు. జూబ్లీహిల్స్ పీఎస్ పరిధిలోని రహమ్మత్‌నగర్‌లో 224గజాల ఇంటికి సంబంధించి స్థానిక రాజకీయ నేత బాల ప్రకాష్ తప్పుడు పత్రాలు సృష్టించారు. ఇదే క్రమంలో ఆ ఇల్లును అమ్మేందుకు ప్రయత్నిస్తుండగా యాజమాని మల్లికార్జున్‌రావు పోలీసులకు ఫిర్యాదు చేశారు. కేసు నమోదుచేసుకున్న పోలీసులు దర్యాప్తు చేపట్టి.. డాక్యమెంట్లు ఫోర్జరీ చేసినట్లు తేల్చారు. దీంతో మంగళవారం బాలప్రకాశ్‌ను పోలీసులు అరెస్ట్‌ చేశారు.